2017/09/17

IKUSI, ZER IKUSI? CHEMA MADOZ TABAKALERAN




Porrontxoek Egia auzoko kaleak astintzen dituen bitartean, #Tabakaleran hainbat kultur aukera ditugu bisitatu ahal izateko. Tabakalera Zentroa gelditu gabe dabilen gunea izaki, #surrealismoa ardatz duen #ChemaMadoz madrildarraren erakusketa dugu ikusgai. Argazki bilduma, zuri-beltzezkoak, objektuak ardatz, ideia, pentsamendua,...




Arte eremuaren barruan ulerterraza egingo zaigun hizkuntza plastikoa erabiliz, sormena pizteko balioa duen edukia erakusten du.

Askotan ezin ditugu erakusketak bertatik bisitatu; urrunegi gaudelako, mugitu ezinik, mila arrazoi tarteko. IKT baliabideak erabil ditzakegu oztopo horiek gainditzeko. Bisita dezakegu Tabakalera online eta bertan Chema Madozen erakusketa. Gainera, interneten zehar, youtube eta bestelakoetan, Chema Madoz sortzailearen elkarrizketa, analisi eta dokumentalak jarrai ditzakegu.


2017/06/20

GERNIKA 1937-2017. MURALA IKASTETXEAN.



Gernika indar faxistek bonbardatu zutela 80 urte pasa diren honetan, hainbat ekitaldi sortu izan dira han hemenka. Gure ikastetxean ere. Gernikako irakasle bat gurekin dugunez aurten, gertutik bizitzeko aukera izan dugu Gernikako gaia. Proposatu digute Plastikakoei zerbait egitea horren inguruan eta ikastetxeko horman Picassoren Gernikaren murala egitea otu zaigu. Maila guztietako ikasleak hartu dute parte murala egiten. Falta den zatia Gernika ekitaldian bukatuko da, zuzeneko musikarekin (ikasleek musikatua), ekainak 21ean, arratsaldeko 6retan.
Prozesua ikusteko klikatu QR irudian.
https://photos.google.com/album/AF1QipMQy3jbRSVY_ICwEfTxpIWMW-yV6TErhDBWFCTV

2017/05/30

DISEINUAREN OINARRIAK


Diseinua kontzeptu zabala bezain zehatza da. Edozer proiektu, egitasmo zein objektu diseina dezakegu. Pentsatu eta erabakitzeko prozesuari “diseinatzea” deritzogu. Historikoki, prozesu industrialean gauza daitekeen egitasmo edo objektu industriala da. Diseinatu ondoren objektua ekoizten da, diseinu-objektuaren ezaugarriak finkoak direla bermatuz.
Diseinu alorrean atal ezberdinak jorratzen dira: Diseinu grafikoa eta digitala, Diseinu industriala eta Barne diseinua.

Diseinu grafikoan logotipoak, katalogoak, kartelak eta kamisetak diseinatzen eta lantzen dira. Diseinu digitalean, hau guztia landuz gain, webdiseinua ere sartzen da: web orrien diseinua eta hauen barnean sor daitezkeen diseinu mota guztiak, irudi eta konposizioak zein diseinu animatuak.

Diseinu grafikoan fondoa, irudiak eta hizkiak lantzen dira, kontuan izanik: ideia, zer eta nola kontatu, hizkuntza plastikoa, teknika plastikoak, publizitate kanpainaren izaera, euskarri digitalak ala ez, tipografiak, koloreak, sormena, eta abar.

Diseinua planifikatzen hasteko, zein euskarritan inplementatuko dugun, zenbat denboran zehar, zenbateko intentsitate eta maiztasunarekin publikatuko dugun eta komunikazioaren hartzailea zein izango den definituko dugu. Ez da berdina izango adin handiko publikoa ala publiko gaztea, kultura digitala( mugikorra eta abar.), kontsumorako ahalmena, kontsumorako kultura, hiri kultura edo nekazal kultura,....Diseinua eta publizitatea loturik izanda, gizarte alorreko faktore asko kontuan izango dira, zientzia zehatza ez bada ere.



2017/05/22

BLENDER ETA ANIMAZIOA: ZINEMA 3D



BLENDER 3D diseinu eta animaziorako software libre zoragarri eta indartsuarekin eginiko lana da honako animazio laburra. “Teaser” delakoa da, hots, produkzio luzeagoa izango denaren zatia aurkezten dute, publizitaterako marketing gisa. Informazioa piziadas.com webgunean aurkitu dut. Blender Fundazioak bultzaturiko proiektua da eta Agent 327, Martin Lodewijk-en komikian oinarriturik dago.





Blender erabiltzen dugu Plastika arloan, animazioak eta 3D munduko gauzak sortzeko. Software librea da eta oso ahaltsua. Hurrengo ikasturterako 3DBH mailan, 3D ANIMAZIOA eta BIDEO JOKOAK hautazkoa eskainiko dugu, ea taldea sortzen den.

2017/05/11

3DBH HAUTAZKOAK 17-18 IKASTURTERAKO

3DBH mailan Lauaizeta ikastetxean Plastika mintegitik 2 hautazko eskainiko dira 17-18 ikasturterako. Ikasleen nahiak, motibazioak eta Plastika eta Ikusizkoen programazioa kontuan izanik, DISEINUA eta ANIMAZIOA-BIDEO JOKOAK jorratuko ditugu.


Diseinuan, irudien sormena, edizioa eta muntaketa digitala egingo dugu, irudigintza analogikoa eta, batez ere, irudigintza digitala landuz. Ikaslearen sormena, talde lanerako jarrera, autonomia eta ardura landuko ditugu. Hauekin batera, kolorearen teoriaren aplikazioak landuko dira, hizkuntza plastikoak, testurak, konposizioa eta adierazpena. Baita ere: kartelgintza, katalogoak, objektuak, espazioak, logotipoak,..

Lauaizetan urteak daramatzagu software librea erabiliz eta eskerrak luzatu nahi dizkiogu hemendik software librea garatzen eta zabaltzen duen komunitateari. Diseinua lantzerakoan #Linux #Ubuntu izango da sistema eragilea eta irudien bit mapak eta #Gif animatuak lantzeko #Gimp irudi-editorea. Irudi bektorialak lantzeko eta maketazioak egiteko #Inkscape. Testuak prestatzeko #Libreoffice. Marrazketa teknikorako #Librecad. Objektuak 3D moduan diseinatzeko eta espazioak diseinatzeko #Blender. Bideoak #Openshot programarekin editatuko ditugu eta audioa #Audacityrekin. Programa geihago ere erabiliko ditugu, baina hauek dira garrantzitsuenak.

Animazio-Bideo Jokoak hautazko berria da. Bertan landutako gaitasunak eta prozedurak Plastika ikasgaian landu izan ditugu, eta balorazio positiboa egin ondoren, hautazkoan buru-belarri lantzeko eskaintza luzatu nahi dugu.
Animazioa eta bideo jokoak erlazionaturik daude arlo askotan. Gure kasuan Bideo jokoak atalean JOKOAK sortuko ditugu, animazioa ezinbestekoa izanik. Animazio atalean, animazioek kutsu artistikoa izan behar dute, ANIMAZIOA bere baitan izango da helburua.
Software librea erabiliko dugu Bideo Jokoa sortzeko eta muga bakarrak irudimena, lan kopurua eta ordenagailuen indarra izango dira.

2D moduan #Scratch programa ezaguna erabiliko dugu bideo jokoa sortzeko eta ikasleak plastikako atal hauek landuko ditu: pertsonaien marrazkiak, eszenak, objektuak eta abar. #Gimp eta #inkscape erabiliz, 2D animazioak sortuko ditugu #istorioak kontatzeko, #GIF artxibo moduan.

3D moduan #Blender erabiliko dugu animazio eta bideo jokoak sortzeko. Eszenen sorrera, mendiak, sua, haizea, leherketak, grabitate indarra, marruskadura, argiztapena, pertsonaien mugimenduak, abiadura aldaketa,...Blender programarekin batera, bideo jokoak egiteko beste moduak ikertuko ditugu: Unity 3D, PS, Unreal, eta abar, bai PC ordenagailuetan zein android mugikorretan aplikatzeko.


2017/03/17

PALEOLITOA: PLASTIKA ETA GIZARTE ELKARLANEAN.


Paleolito gaiarekin proiektuan lan egin dugu Plastika eta Gizarteko mintegien artean. Helburu nagusia Paleolitoa ezagutzea izan da. Gizarte arloan denbora lerroak eta garaiko gizartearen egitura eta ohiturak, azken finean, bizimodua ezagutu dute. Plastika arloan Euskal Herriko kobazulo nagusietako horma-pinturak kopiatu ditugu, gure testura, kolore eta teknika libreki erabiliz. 1DBH mailan izan da hori. Argazkiak.


Artisautza (1dbh) ikasgaian Paleolito garaiko aztarnak "aurkitu" ditugu, buztinezkoak denak: gizakiak utzitako industri aztarnak. Harria lantzeko erremintak, larruak garbitzeko eta abar. Fosilak eta giza-hezurrak ere "azaldu" dira.


3A taldearekin Plastikan TRIKUHARRIA egin dugu. Hasieran, marrazkien bitartez formak ezagutu ditugu: poliedro erregularrak. Jarraian piramidearen garapena marraztu dugu, moztu eta paperezko bolumena lortu dugu. Trikuharriaren irudiak interneten aurkitu eta argiluna landuz arkatzez marraztu ditugu. Azkenik, talde lanean, kartoia eta tenperak erabiliz, 3D moduko trikuharria eraiki dugu. Trikuharriaren argazki guztiak ikusteko klikatu.


Inauteriak gainean genituelarik, Beñat Gizarteko irakaslea buru, Paleolito garaiko gizakiaz mozorrotu eta ikastetxeko korridorean sortutako kobazuloan “maniqui challenge” egin dute. Kobazuloa 4 DBH eta 3 DBH Plastikako taldeekin sortu dugu.







 Testura, kolorea, argiluna, proportzioa, espazioa, forma eta 3D kontzeptuak landu ditugu, talde lanean. Korridoreko zati bat, papera erabiliz, kobazuloan bihurtu dugu. Estalaktitak, hormako testura eta formak, sakonera pintura eta kolorean bitartez, horma-pinturak eta abar. Argiztapena erabili dugu kobazuloa iluntzeko. Eskola 2.0 bildumako ordenagailua entxufatu dugu eta “bucle” moduan soinua jarri dugu. Bafleak hormako paperaren tartean kokatuta soinua gangatik barrena entzutea lortu dugu. Ikasle batek egin du soinu nahasketa, txalaparta, ur tantak eta Mikel Laboaren musika nahastuz. Kobazuloaren prozesuaren argazkiak.












AURRETIK BLOGEAN PUBLIKATUTAKO SARRERA. PROIEKTU AURKEZPENA.




Paleolitoa lantzen hasi gara #Plastika arloan Gizarteko mintegiarekin elkarlanean. 4, 3 eta 2 DBHko beste taldeek hainbat proiektu landuko dituzten bitartean, 1DBH taldeetako ikasle bakoitzak #Euskal Herriko lau kobazulo nagusietatik hartutako marrazki bana erreproduzituko du eta #Lauaizeta ikastetxeko korridoreetako hormetan itsatsiko ditugu. #Historiaurrea ezagutuko dugu pixkat, marrazkiaz baliatuz, wikipediaz eta #Ekainberri bisitatuz, #birtualki eta bertaratuz txangoa eginez. Lau kobazuloak hauexek dira:


Ikasle bakoitzari lau kobazuloetako irudi bana esleituko zaio. Ordenagailuan aurkitu eta, berriz irudikatuz, koloretako marrazkia gauzatu eta izendatuko du. Ondoren, sailkatutako kobazuloaren irudi-errenkadan kokatuko du eta itsatsiko du neurri handiko zelofana erabiliz.



3 DBH A taldeak, #trikuharri eskultura egingo du, kartoia birziklatuz, talde lanean. #Oteizaren eskultura megalitikoaren teoria aztertuko dugu.

4 DBH taldeak, korridore zatia hartu eta kobazuloan bihurtuko du. Bertan, sabaia estalaktitaz josia izango da, bolumenak paperez eginda. Hormetan harri testura koloreztatuko da eta animalien marrazkiak ere agertuko dira. Espazio sakonera irudikatuko da, hormetako papera marraztuz, argia egokituz eta audioa gehituz: ur tantak- #txalaparta, giza ahotsak- #Laboaren musika, animalien ahotsak eta abar.
O

1 DBH artisautza taldeak, lehortutako buztin zatietan fosil eta antzinako objektuak erliebean zizelkatuko ditu.

Ikasleen lanak ikusgai hurrengo estekak klikatuz:

2017/03/14

MARTXOAK 8. HORMA-IRUDIA.



 
Martxoak 8 egunero da. Aurten, Lauaizeta ikastetxean lan taldea osatu da ikasle eta irakasleen artean. Lan taldeak proposatu du beste ekintzen artean horma-irudia egitea. Plastika arloan erronka jaso eta martxoak 8 egunean plastika saioa zuen taldeak ekin dio horman pintatzeari. Euskara horman itsasteko asmotan hitzak jarri ditugu, marrazki gehiagorik gabe. Argazkiak HEMEN.

2017/03/10

3DBH. MOZORRO DIGITALAK.



Inauteriak joan dira, Martxoak 8 ere eta Korrika badator. Mozorro festa herri guztietan ospatzen dugu, Tolosan nola ez, eta modu berezian Nafarroan. Guk plastika arloan txertatzen dugu gaia eta hainbat modutara landu izan dugu. Oikoena, zinema eta musika eremuko pertsonaiez mozorrotzea da, modu digitalean. #Gimp irudi editore librea erabiliz, kopiatu eta itsatsi eginez. Ñabardura, saturazioa, distira eta kontrastea, kolore-balantzea, eskala, kokapena eta biraketa lantzen ditugu, beste gehiagoren artean. Lanak ikusteko KLIKATU.

2017/03/07

3DBH DISEINUA. ZER GERTATU DA DONOSTIAN?



Irudi muntaiak egin ditugu #Gimp irudi editorea erabiliz, Donostia gaitzat hartuta. Behin irudi berria sortuta, formatu eta hedabide euskarria aukeratuko dugu eta notizia bihurtu. Helburua sinesgarritasuna lortzea da eta hedabideetako gezurrezko berria publikatzea, #Orson Welles handiak bere garaian egin zuen bezala, #WIKIPEDIARA esteka duzue, ingelesez. Paper edo digitala den prentsako lehen orria, sare sozialetako euskarria erabiliz, telebista, webguneak, kartelak, telefono mugikorrak, eta abar. Lanak ikusteko KLIKATU.

2017/03/03

3DBH DISEINUA: TXIMISTAREN ANIMAZIOA





Diseinu arloan, 3DBH, audioa eta animazioarekin eszena burutuko dugu. Gaia tximista da. Irudiak internetetik bilduko ditugu eta #Gimp irudi editore software librea erabiliz irudiaren argi aldaketak dituen kopiak sortuko ditugu. Gif artxibo-irudia hau pantailaren bideo grabaketa egin ondoren, bideo-artxiboa bihurtuko dugu. Openshot bideo editore software librean soinu efektuak gehituko dizkiogu: musika edo melodia, audio efektuak, tentsio edo lirika audioak, eta abar.

2017/02/18

IRUDI DIGITALA. INDEXATUA. AMELIE.

Inauteriak ate joka ditugularik, pertsonai ezagunen IRUDIA landuko dugu, KOLORE PLANOAK ardatz izanik. Kartelgintza eta diseinuan sarri erabilia izan da hizkuntza plastiko hau. Softwareak ahalbidetuko digu kolore banaketak egitea, modu merke eta azkarrean. Gure kasuan, modu digitalean irudia analizatu, landu eta koloretan banatu eta ikastetxeko korridorean lanak erakusteko asmotan, kartoi mehezko collagean bihurtuko ditugu.


Irudia internetetik hartua da. #Amelie filmeko kartelekoa, Amelie hain zuzen. #Gimp software librearekin zuri beltzean jarriko dugu Koloreak zutabetik desasetu klikaturik. Jarraian, GMIC plugin sortatik, artistic/cutout aukeratuta kolore planoetan irudia antolatuko dugu. Ondoren, koloretan hautatu erremintarekin: zuria, grisak eta beltza hautatu eta esportatuko ditugu banan banan.  

2017/02/13

ARTEA EZAGUTZEN. GIF ANIMATUAK.




Arte lanak ezagutzeko modu bitxia daukagu 4DBH Plastikan. Arte lan ospetsuenen artean gustukoena aukeratu beharra du ikasleak eta berarekin animazioa sortu behar du. Animazioa lortzeko #Gimp software librea erabiliko dugu. Geruzak tartekatuko ditugu eta animazioa daukagunean #GIF artxibo gisa esportatuko dugu.

Bi lan zoragarri ditugu hemen: Giocondarena J. Oncalak egin du eta katuaren animazioa G. Arriola ikasleak.

Lanak ikusteko klikatu HEMEN.


2017/02/03

YOUTUBE: PUBLIZITATERIK EZ!




Youtube doanekoa da eta mundu osoan interneten bideoak ikusteko plataformarik erabilienetakoa. Oiko prozedura da musika eta edukiak ikusteko bertara jotzea. Norberak sor dezake youtubeko kanala eta sare sozial gisa erabili, nahi duenarekin partekatuz edo jarraitzeko kanalak aukeratuz. Azpitituluak gehitu daitezke norberaren bideoetan eta hainbat gaietan edukiak ere deskarga daitezke ondoren editatu ahal izateko. Euskaraz erabil daiteke. Hezkuntzan ere, asko erabiltzen dugu gai ezberdinak jorratzeko edota musika gelan entzuteko.

Azken bolada honetan Youtubekoek erabaki dute publizitatea txertatzea. Ez zaigu ongi iruditzen adin txikikoek publizitatea ikusi behar izatea derrigorrez. Horregatik, hemen aurkezten dugu nahi duenarentzat publizitatea ekiditeko modua. Geihenetan bi nabigatzaile erabiltzen ditugu: Firefox(software librea) eta Chromium(Linux)/Chrome(Windows) Googlekoa.

Nabigatzaileak konfigura daitezke, norberak bere beharretara, nahi duen modura. Hori lortzeko HEDAPENAK jarri ditzakegu. Ezarpenetara joan eta intuizioa erabiliz lor daiteke. Hedapenak nahi adina instala daitezke, eta norberaren posta elektronikoaren kontuarekin sartzean, edozein ordenagailuko Firefox ala Chromen konfigurazioa mantenduko da.

Youtubeko publizitatea EZ IKUSTEKO honako hedapena instalatu behar da:

  • Firefoxen: ADBLOCKPLUS
  • Chromen: ADBLOCK

Behin instalatutakoan ez dugu publizitaterik ikusiko. Nahi izanez gero, aktiba eta desaktiba dezakegu gure nahiaren arabera.

2017/01/17

PALEOLITOA. PROIEKTUA ELKARLANEAN. TALDE LANA.


Paleolitoa lantzen hasi gara #Plastika arloan Gizarteko mintegiarekin elkarlanean. 4, 3 eta 2 DBHko beste taldeek hainbat proiektu landuko dituzten bitartean, 1DBH taldeetako ikasle bakoitzak #Euskal Herriko lau kobazulo nagusietatik hartutako marrazki bana erreproduzituko du eta #Lauaizeta ikastetxeko korridoreetako hormetan itsatsiko ditugu. #Historiaurrea ezagutuko dugu pixkat, marrazkiaz baliatuz, wikipediaz eta #Ekainberri bisitatuz, #birtualki eta bertaratuz txangoa eginez. Lau kobazuloak hauexek dira:


Ikasle bakoitzari lau kobazuloetako irudi bana esleituko zaio. Ordenagailuan aurkitu eta, berriz irudikatuz, koloretako marrazkia gauzatu eta izendatuko du. Ondoren, sailkatutako kobazuloaren irudi-errenkadan kokatuko du eta itsatsiko du neurri handiko zelofana erabiliz.



3 DBH A taldeak, #trikuharri eskultura egingo du, kartoia birziklatuz, talde lanean. #Oteizaren eskultura megalitikoaren teoria aztertuko dugu.

4 DBH taldeak, korridore zatia hartu eta kobazuloan bihurtuko du. Bertan, sabaia estalaktitaz josia izango da, bolumenak paperez eginda. Hormetan harri testura koloreztatuko da eta animalien marrazkiak ere agertuko dira. Espazio sakonera irudikatuko da, hormetako papera marraztuz, argia egokituz eta audioa gehituz: ur tantak- #txalaparta, giza ahotsak- #Laboaren musika, animalien ahotsak eta abar.
O

1 DBH artisautza taldeak, lehortutako buztin zatietan fosil eta antzinako objektuak erliebean zizelkatuko ditu.

Ikasleen lanak ikusgai hurrengo estekak klikatuz:

4 DBH PLASTIKA. IKONOGRAFIA. FIDEL CASTRO, XX.MENDEKO AZKEN IKONOA.




XX. mendean zehar Arte Garaikideaz ezagutzen duguna garatu zen. XIX. mendeko #Industri Iraultza ondoren sortutako gizarte aldaketarekin batez ere. #Abangoardiak deituriko Arte mugimenduak areagotu ziren, bata bestearen atzetik, bakoitzak ekarpenak eginez eta bide berriak irekiz.

Ariketa honetan Irudia landu nahi izan dugu. Sinbologia eta ikonografia aztertu ditugu eta #Pop Artearen artelanak ikusi ditugu ere. Azkenik, #FidelCastro kubatar politikoaren irudi eta pentsamendua gaitzat hartuz, aldizkari edo egunkari baterako balioko lukeen irudi sintesiak sortu ditugu.


Irudiak interneten bilatu ditugu. Baita esaldiak ere. #Gimp  eta #Inkscape software libreak erabili ditugu azken irudia osatzeko. Lehenengoa Fidel pertsonaiaren aurpegiaren silueta mozteko eta bigarrena konposizioa lortzeko. Lanak ikusteko KLIKATU.


2017/01/13

3DBH DISEINUA. FOTOMUNTAKETA.


Urtea hasi eta lehenengo lana fotomuntaketa digitala izango da. Prozedura ikasteko bi irudiez sortutako irudi berriak egin ditugu. Gimp software librearekin, irudiak moztu, eskalatu, biratu eta birkokatu ditugu. Baita ere, irudien koloreak eta gardentasun mailak eraldatu ditugu. Behin prozedura ikasi dugularik, Donostiako hirian kokaturiko irudi berria sortuko dugu eta euskal prentsan publikatuko dugu berria...Lanak ikusteko klikatu.

2016/11/16

SAREAN ETA EUSKARAZ ZER? BERRI ETA IRADOKIZUNAK 3. Richard Stallman

(wikipedia)

Richard Stallman software librearen aldeko mugimenduaren sortzailea Europar Elkarrizketen baitan software librearen eta software itxiaren arteko ezberdintasunez arituko da, eta arlo digitalean erabiltzaileek beren datuen gaineko kontrola eta beren pribatutasuna mantentzearen garrantzia eta beharra azpimarratuko ditu bereziki.

Azaroak 22 Iruñeko Baluartean 19:00etan.
Azaroak 24 Donostiako San Telmon  19:00etan
Aldibereko itzulpena: GAZT-EUSK
Iraupena: 2 ordu, gutxi gorabehera. Sarrera librea.

Richard Matthew Stallman (1953ko martxoaren 16a - ) software librearen mugimenduaren sustatzaileetako bat da. Programatzaile bezala bere arrakasta batzuk Emacs testu editorea, GCC konpilatzailea eta GDB araztailea aipatu daitezke. Baina software librearen inguruan berak sortutako influentzia batez ere esparru moral, politiko eta legezkoan izan dira, beti ere software pribatiboaren ordezko bezala aurkeztuz.Copyleft kontzeptuaren asmatzailea ere bada, softwareari lizentzia bat jarri eta hala ere honek libre jarraitu dezan eta bere erabilpena eta moldaketa komunitatearen esku egon dadin.
Richard Stallman GNU proiektuaren sortzailea ere bada.
Informazioaren jatorria: Alex Gabilondo. http://alexgabi.blogspot.com.