bannerra 1

bannerra 1

2013/12/09

KOMIKIA EGITEKO GALDETEGIA

Galdetegia osorik ikusteko klikatu sarrera edozein lekuan eta gora eta behera teklatuko betiko geziekin ibili.

2013/12/05

DISEINUA BIDAIA


Munduan zehar bidaiatzeko planarekin, Diseinuko ikasleek, bakarka zein binaka, bidaiatzeko lekuak proposatuko dizkigute. Blogean publikatuko dituzte proiektuaren gorabehera guztiak. Azkenean 10 atal=10 puntu.

ebaluazio-kalifikazioa
1
Blogean publikatu euskara txukunean
Blogger-Libreoffice-Xuxen
2
Publizitate anuntzioa- Kartela
Gimp-Inskcape
3
Publizitate bideoa
Openshot
4
Eskuliburua
Inskcape-Gimp
5
Mapa irudiak
Google earth
6
Mapa bideoak
Google earth-Recordmydesktop
7
Lekuaren deskribapena I
Google irudiak
8
Lekuaren deskribapena II
youtube
9
Lekuaren musika
Audacity
10
Lekuaren testua
Wikipedia


2013/12/02

KOMIKIA 2DBH



KOMIKIA EGITEKO LANKETA


Komikia landu izan dugu hainbat ikasturtetan 2DBH mailan, Plastika arloan. Iaztik hasi ginen Euskara eta Gaztelera arloekin egitasmoa elkarrekin josi nahian. Aurten, handinahiaz jota, arlo gehiagoen arteko elkarlana bultza nahi izan dugu. Gizarte arloan, ikasleek burutuko dituzten istorioen testuinguru historiko sozio politikoak landuko dituzte. Ingeleseko arloan, pertsonaia definitzeko hizkuntz itzulpena erabiliko dute. Gaztelera arloan, testu ulermen desberdinak landuz, komikiaren hasierako narrazioa landuko dute. Euskaran eta Plastikan istorioaren mamia eta zehaztasun guztiak.


Beste urteetan komikiari buruzko blog sarrera ezberdinak:

2013/11/20

ANIMAZIOA IKUS-ENTZUN HAUTAZKOAN 2DBH


Animazio hauekin amaitu dugu lehen ebaluazioa. Lan giro polita izan dugu Ikus-entzun taldean eta pixkanaka lanak atera dira aurrera. Inkscape software librean marrazki bektorialak egin ditugu eta gero Gimp erabiliz animazioa Gif modura. “Ikasleen lanak” atalean dituzue ia lan guztiak. Hurrengo ebaluazioan soinua gehituko diegu.



2013/11/17

GIF ANIMATUAK ETA BIDEO EDIZIOA. 3DBH DISEINUA.



Lehen Ebaluazioa amaitzeko 3DBH Diseinuan falta zaiguna Tximistaren lana bideo formatuan bakoitzak bere blogean aurkeztea da. Jarraitu beharreko pausuak irudian grafikoki azalduta dituzue: 1. Tximistaren GIF animatua. 2. Lizentzia libreko soinua bilatu eta aurkitu. Ondoren jaitsi. 3. Audacityn soinua egokitu. 4. Openshoten lana amaitu.

Lan hau amaitutakoan Ebaluazioko nota osatuko da.


Zuzenketak GIF animatuetan: Blogean igotako soinurik gabeko Gifak, ez daude ongi burutuak, salbuespenak salbuespen. Tximista baino lehen, denbora luzeago behar du, bestela ez du itxura naturalik hartzen. Hori egiteko modu egokiena, geruzari izena aldatzean datza. Identifikatzeko izenaren ondoren, parentesi artean denbora jarriko dugu. Horrela: niregeruza(100ms), bestegeruza(500ms), etab.

2013/11/09

ARGAZKI DIGITALAK 4DBH PLASTIKA



4DBHko Plastikako ikasle!! 4 Argazki egin behar dituzu, zure Blogean txertatu eta bakoitzari dagokion izenburua jarri, txukun. Gaia KOLOREA da. Konposizioa libre, edukiak, enkoadraketa, ikuspuntua, adierazpena...ZURE SORMENARI ATERIK EZ ITXI!!!
Blogean txertatzeko epea 2013ko azaroak 23 gaueko 22:00:


1- KOLORE BIZIAK: Jatorrizko koloretik hurbil dabilena
2- KOLORE APALAK: Jatorrizko koloreaz gain kolore gehiago nahasturik dituena
3- KOLORE ARGITSUAK: Jatorrizko koloreak zurirantz jotzen duenean
4- KOLORE ILUNAK: Jatorrizko koloreak beltzerantz jotzen duenean





2013/11/06

ZU ZEU SORTZAILE LEHIAKETARAKO PEGATINA NOLA EGIN


Bideo leihaketa mantentzen da aurten ere, eta pegatinaren lehiaketa berria ere aurkeztu da.

Logotipoaren antzera, ideia, irudi eta testuan sintetizatzean datza pegatina egiteko prozesua. Pegatinaren indarra eta arrakasta sormenaren esku utziko dugu. Batzuetan gaiak dauka indarra, bestetan ideia gauzatzeko formak, hizkuntza leloak, hizkuntza tipografiak, koloreak,....Hemen, ikasleek jarrai ditzaten pausuak eskaintzen dira. Gogoratu, teknikak helburuari jarraitu behar diola, eta guztiaren motorra gogoa eta adimena direla. Irudia eta testuak sortutako irudiaren diseinua egiteko modurik erosoena, ekonomikoena eta azkarrena software bektoriala erabiltzea da: euskaraz ere badago eta software librea eta ikaragarri ona da: inkscape






2013/11/04

KOLOREA



KOLOREA
Wikipediatik hartua: Kolorea gizakiak eta animalia batzuek duten pertzepzio subjektiboa da, argi ikusgaiko uhin-luzerek sortua, objektuak modu zehatzagoan bereizten laguntzen duena eta begien bidez hautematen dena.
Kolorea ez da ikusten diren objektuen ezaugarria, argiak objektu horiek argitzen dituenean sortutako gertaera baizik; argi zuri bat dispertsiosistema batetik igarotzen denean, argi zuria deskonposatu egiten da eta koloreak ikusten dira, oinarrizko zazpi koloreak (gorrialaranjahoria,berdeaurdin argia, urdin iluna eta morea). Koloreen deskonposaketa eta oinarrizko zazpi koloreak Isaac Newtonek aurkitu zituen.
Koloreak elkarren osagarriak dira: oinarrizko koloreak nahasiz gainerako kolore guztiak lortzen dira: oinarrizko kolore guztiak nahastuz gero beltza ateratzen da, eta kolore guztiak batzen direnean zuri ikusten da. Kolorearen ezaugarri nagusiak, koloreak bereizteko oinarritzat hartzen direnak, Ã±abarduraargitasuna eta saturazioa dira. Ñabardura espektroaren argi uhinen luzerak definitzen du, argitasuna intentsitateak ematen du eta saturazio maila kolore batek zuritik duen desberdintasunak eta espektroko kolorearekin duen antzekotasunak ematen du, kolorearen garbitasun mailak alegia. Zuria eta beltza ñabardurarik gabeko koloreak dira, akromatikoak.



Zirkulu kromatikoa egingo dugu, baina modu libreago batean. Hasteko, ikasle bakoitzak kolore bat aukeratuko du eta tenperekin kolorea lortutakoan kristalezko potoan sartuko du. Ondoren, arbela digitalean kolorearen teoriari buruz azalpenak jaso ondoren, gorde dugun kolorearen ñabardurak sortuko ditugu. Bakoitzaren kolorea BEROTUZ joango gara, ondoren HOZTU egingo dugu, jarraian ILUNDU eta azkenik ARGITU. Hau guztia egin ondoren, atseden txikiaz gozatuz KOLORE ERLATIBOARI buruz talde hausnarketa egingo dugu, galdera honi erantzun nahian: kolore bat, adibidez gorri bizia, betirako izango al da? Alda al daiteke kolore baten izaera kromatikoa ondoko kolorearen arabera, eta argiaren aldaketen arabera?
Behin galderak argituta, kolorezko marrazki librea egingo dugu, hauetako gaiak zozketatu ondoren:

  • Paisaia/mendia
  • Paisaia/basoa
  • Paisaia/itsasoa
  • Paisaia/ibaia
  • Paisaia/industria
  • Paisaia/hiria
  • Paisaia/fantasia

2013/10/31

MARRAZKI ABSTRAKTUA. KONPOSIZIOA 3DBH




Konposizio abstraktuak (ikusi Wikipedian) ulertzea kosta egiten zaie ikasleei 3DBH Plastika arloan. Bestalde, ikasleak lanean hasten direnean, abstrakzio filosofian barneratzen direnean, sormenaren jarioa etengabea da. Galderak ez egitea proposatzen zaie. Konposizioan sartzea, barnean bidaiatzea, formen arteko talkak eta armoniak kontenplatzea. Jolas moduan hartuta gustuko lana bihur daiteke, nahiz eta 15 urte izan. Kartoi koloreztatuekin egin izan dugu lan duela urte gutxi arte, collage moduan. Azken urteetan berriz, software librea erabiliz emaitzak aurkitu bitartean prozedurak asko aberasten dituztelako, diseinu grafikorako programak erabil ohi ditugu: Inkscape eta Gimp.



2013/10/30

ERREPORTAJEA 2DBH


Euskara arloan landuriko erreportaje testuei diseinu ukitua eman eta ordenagailuekin bukatu dugu oraingoz, hurrengo urte arte, inauteri inguru arte. Lan batzuk falta badira ere IKASLEEN LANAK atalean ditugu ikusgai ia denak. Hemen lagin batzuk. Akatsak aurkitu ezkero esan.




2013/10/23

PLASTIKA IKASLEEN LANAK IKUSGAI




Marrazkiak, formak, objektuak, eszenak, irudiak eta testuak sortu ahala, proiektuak osatzen doaz. Zatiek osotasuna ahalbideratzen dute. Azaroak 20 aldera, lehen ebaluazioa amaituko da. Emaitzak jaso bezain pronto, Plastikako Blogeko IKASLEEN LANAK atalean igotzen dira, beste ikasturteko lanen ondoan, karpeta ezberdinetan antolatuta. Ikusi nahi? Sartu eta ongi etorri!


2013/10/19

KARTELA DISEINUA IKASGAIAN



Diseinua lantzen 3. DBH-ko hautazko ikasgaian, buru belarri ari gara Zinemaldiko kartelak egiten. Lehenik eta behin, Gimp irudi editatzaile software librea erabiltzen ikasteko irudi muntaiak sortu ditugu. 


Ondoren, Gimpen baliabideak klik batean aprobetxatuz, tituluak sortu ditugu, ondoren hauek geruzetan landu eta bakoitzak berea pertsonalizatuz. Proiektu luzea izanik atalka lantzen ari gara. Dokumentazio lana egin ondoren, ideiak borobildu ondoren, teknika digitala lagun kartela osatzea besterik ez zaigu falta. Kartel ezagunak aukeratu ditugu eta baldintzak medio gure kartela diseinatu: ikaskideak izango dira aktoreak, titulua originala eta irudi muntaia landua ahalik eta gehien, fondoak klonatuz eta pintatuz.






2013/10/17

PLASTIKA ETA EUSKARA BATZORDEA. ZU ZEU SORTZAILE.


   
Lauaizetako Euskara Batzordeak “ zu zeu sortzaile” bideo lehiaketa antolatu du aurtengo ikasturtean ere. Baliteke aldaketak izatea lehiaketaren inguruan, pegatina lehiaketa ere proposatu omen da eta. Bat edo beste, lehiaketaren ildo nagusiak erabakitzen dituztenean , eta sariak, blog honetan behintzat publikatuko ditugu.

    Plastikako 4. mailako ikasleak ikastetxean egitasmoa zabaltzeko ardura hartu dugu. Nola? Lehenik eta behin ikasleak talde ezberdinetan antolatuko gara eta ikastetxeko espazioak argazki kameraz ehizatu eta paperean inprimatuko ditugu. Ideiak konposizio bihurtu ondoren irakaslearekin eztabaidatzea izango da hurrengo pausoa. Proiektua gauzatzeko egutegia markatu ondoren, prozeduraren fase, erritmo eta pausuak idatziko ditugu. Lehiaketa zabaltzeko Horma irudia instalazioan eraldatuko dugu. Ideia adostu ondoren, birziklapenerako gordetzen ditugun kartoi erraldoiak hartu eta marrazkiak pintatu eta moztuko ditugu. Beti, lan praktikoa eten eta erabaki teorikoak eztabaidatuz arbelaren inguruan bilduta. 


2013/10/16

KOLORE BATEAN. IRUDIAREN SINTESIA. 4 DBH PLASTIKA



Hizkuntza plastikoaren barnean zuri eta beltzera sintetizatzeko aukera XX. Mendeko aboangoardien ezaugarrietakoa izan da. Andy Warhol sortzaile eta artegile iparamerikarrak bultzatutakoa, mass-mediak sustraitzat zituen Pop Art delakoa: (wikipediatik) Gerra osteko ongizate garaiko kontsumo-kulturak bultzaturik, zenbait artista masa-produkzioa eta teknika artistikoak uztartzen saiatu ziren herriarentzat eskuragarri izan zitekeen Artea sortu asmoz. Orduko mugimendu artistikoen formaltasuna salatu zuen ere Pop Arteak, edozein kontsumo-produktu artelan gai izan zitekeela frogatuz. Artearen mugak "gai nagusietatik" gai berrietara zabaldu zituzten artistek eta ironiarekin jokatu zuen Artea desmitifikatzeko. Garai hartako pentsamoldearen isla da Andy Warhol-en Campbell Zopa Latafamatua.


Hasieran arbuiatua, Pop Artea denborarekin onarpena eta ospea lortzen hasi zen eta gutxinaka mugimendu elitista bihurtu zen, hasierako helburu herrikoia baztertuz, 1960ko hamarkadako arte mugimendu nagusia bilakatu zen arte.

COLLAGE ETA DISEINUA 4 DBH PLASTIKAN


Collage. Zer da? harira joanik MOZTU ETA ITSATSI. Gehiago ikasteko jo Wikipediara. Ez da berdina pintzelak tinta txinatarrarekin egiten duen grafismoa eta guraizeek paperak moztuta egiten duenarekin alderatuta. Bakoitzak dauka berea. Aurten ordea, IKT baliabideak erabiliz, digitalki egingo dugu. 


Prozedura kontzeptual bera baina teknika ezberdina erabiliko dugu. Inkscape software librea erabiliko dugu: diseinu grafiko programa bektoriala.Lanpara gaitzat hartuta ikasleen lanak ikusgai betiko gunean. Hitzak geldi eta hitz egin dezatela irudiek! On egin!


MARRAZKIA ZURIBELTZEAN ARKATZEZ 3 DBH PLASTIKA

ZURI BELTZA ETA GRISAK Azaroak 11 azken eguna irakasleari marrazkia emateko.
Hemen daukazue ikusgai aspaldiko telebistarik ez zen garaiko Zinema munduko artista famatua, Greta Garbo. Bere ezaugarri gehiago jakiteko bisitatu Wikipedia.
Etxean patxada osoz ARKATZA hartu, 6B bada askoz hobe, A5 neurrian orri zuri arruntean ( A4 erditik moztua )irudia interpretatu. Lortu behar dena: 
marrazkia eta giza irudiaren neurriak proportzionalak izatea, 
zuria, beltza eta hiru gris behintzat lortzea,
hilearen eta erroparen testura.
Bidali dezakezu emailez: mikelplastika@gmail.com

Internetaz baliatu eta marrazkiari ekin.

2013/10/09

IRUDIAK BILTZEN ERREPORTAJERAKO

Euskara ikasgaian erreportajerako testua buruturik, diseinu grafikoa landuz Plastika arloan proiektuari osotasuna emango diogu. Batetik testua, bestetik irudiak eta dena lotuz diseinua, ideia, itxura. Oraingoan irudiak prestatuko ditugu. Irudiak bilatu, irudiak sailkatu, irudiak aukeratu eta beraien diseinu estiloa erabaki: tamaina, kolore balantzea, kokapena, etab.

OHARRA

2013/10/07

DISEINUA ETA KARTELA


Diseinua ikasgaian kartela egiterakoan kontuan hartu beharreko pausoak zerrendatu ditugu hemen. Lehenik, dokumentazio lana egin behar da. Zeri buruzko kartela nahi dut egin?
Behin gaia eta ideia erabakita, interneten gai horri buruzko profesionalen lanak ikusiko ditut nire ideiak eta diseinua hobetze arren.
Prozesuaren lehenengo lana fondoa egitea da. Koloreak pentsatu. Izango duen izaera kromatikoa ere: armonia, kontrastea, kolore biziak ala apalak, kolore beroen eta hotzen arteko erlazioa.



Zinema kartelak dituen berariazko elementuak jarri: filmaren titulua, eslogan modukoa edo azpititulua, irudi nagusiak, informazio testua (zuzendaria, aktoreak, produktorea,...), bigarren mailako irudiak,...

2013/10/03

DISEINU GRAFIKOA. 2 DBH. ERREPORTAJEA PRESTATZEN.


Diseinu grafiko digitalean murgildu gara eta Inkscape, Gimp, Libreoffice Writter eta Internet konbinatu ditugu edozein maketazio-diseinu garatzen ikasteko. Bigarren saiorako gidoiari lotutako beste saiakera antolatu dugu: aztorearen inguruko orrialde hau diseinatzea. Sareko karpetan dituzue testua eta irudiak. Hasi lanean...

2013/09/30

3DBH PLASTIKA ETA GORPUTZ HEZIKETA: ONDO GOSALTZEAREN GARRANTZIA


Mugikorrarekin grabatutakoa youtuben 
onartuko den formatora bihurtu. 

Openshot bideo editorea oso ona da, pista ugari sor ditzakezu eta  nahi duzun guztia editatu.

Youtubera igo. Zure gmail kontuarekin Youtube kanala daukazu.


Openshoten egin edo ez egin, Youtubek lizentzia libreko audioa eransten utziko dizu, oharrak jarri...nahi duzun guztia editatu.